من طرف إتربينا فوق العز وشَّب طَبِعنا
روَّضنا الكرم طوَّعنا لما تبعنا
نحن اللي عدونا دواهوُ سخطَه ولعنه
خايجين في الرجاله شَرينا فيها وبِعنا
مابتتباع بُضاعة غيرنا كان ما بعنا
بطيخ الجماعة يفوتو شُهرة قرعنا
نحن إتنين نعادل ميه كان ولعنا
والضبعات تمانية تهوِّي خايفه سبِعنا
جوعانين كرم دا النحن مِنُّو شبِعنا
من سرسارو شربوا ونحن فايضة تُرعنا
لي أمثال كُبارنا الصادقه نحن سمعنا
الزول حين يموت كيفن يحس بالطعنَه
نحن الفي النضِم حتي العزول يسمعنا
نقنعوا بي كلاماًَ في قوافي برَعنا
وإن كان ج الزمن المن نضمنا طلعنا
تفهم من سُكاتنا كلام وابلغ معنى
ولو واحد خرج عن الأدب قاطعنا
نضربوا في الصميم وحقير زليل يتبعنا
أبوسير بالكرم والعفة كان طبَّعنا
فرَّشه لينا نعمه ونِحن فيها رتًعنا
من قِل الحيا وقِل الأدب جوعنا
رضَّعنا الأصالة ومن ثديها شبعنا
ننطاع في الأوامر وما اتأمرنا أطِعنا
يمشي كلامنا من غير ليه وكيف وإشمعنا
عاليه جِباهنا ما إنزلينا مره ركعنا
والزارعنا غير الله اليجى يقلعنا
علاءابوسير
الخرطوم يونيو1996م
روَّضنا الكرم طوَّعنا لما تبعنا
نحن اللي عدونا دواهوُ سخطَه ولعنه
خايجين في الرجاله شَرينا فيها وبِعنا
مابتتباع بُضاعة غيرنا كان ما بعنا
بطيخ الجماعة يفوتو شُهرة قرعنا
نحن إتنين نعادل ميه كان ولعنا
والضبعات تمانية تهوِّي خايفه سبِعنا
جوعانين كرم دا النحن مِنُّو شبِعنا
من سرسارو شربوا ونحن فايضة تُرعنا
لي أمثال كُبارنا الصادقه نحن سمعنا
الزول حين يموت كيفن يحس بالطعنَه
نحن الفي النضِم حتي العزول يسمعنا
نقنعوا بي كلاماًَ في قوافي برَعنا
وإن كان ج الزمن المن نضمنا طلعنا
تفهم من سُكاتنا كلام وابلغ معنى
ولو واحد خرج عن الأدب قاطعنا
نضربوا في الصميم وحقير زليل يتبعنا
أبوسير بالكرم والعفة كان طبَّعنا
فرَّشه لينا نعمه ونِحن فيها رتًعنا
من قِل الحيا وقِل الأدب جوعنا
رضَّعنا الأصالة ومن ثديها شبعنا
ننطاع في الأوامر وما اتأمرنا أطِعنا
يمشي كلامنا من غير ليه وكيف وإشمعنا
عاليه جِباهنا ما إنزلينا مره ركعنا
والزارعنا غير الله اليجى يقلعنا
علاءابوسير
الخرطوم يونيو1996م
» مساحة للتعارف
» سلسلةمذكراتى الخاصة (الم الحروف )!!
» من القلب الى قلوبكم احبيتي
» ايــــــــــــاك والدموع..
» ابتهـــــــــــــــاج !!
» ابدأ دخولك بالصلاة على النبى (ص)
» شوربة خضار بطريقة ميمى ..
» شمار اليوم هههههه؟؟