الزمن مهما كان عنيف شكل أفعالو وصوَّره
برضو ننسى سواتو ونقول قسمة والله مقدره
كُل يوم يرويلنا بي فن قصة مختلفة مغايره
بحكي من افعالو واحده بس مثال ما داير احصره
عاش مُنعَم بين والدين ريدتو فيهم متفجره
شب بين والد كم عطوف وبين حنان والده مبطره
أُسرة غرتو كل الحنان وليهو سقَّاية محدره
ولف دار دولاب الزمن والقدر يتم ميسره
مات أبوهو الكان حنين وليهو كان الضل والضرا
خلَّه لي أم ورثت الهم والنحيب ودموع ممطره
خلَّه لي شابه أتارملت زهرة يادابه منوره
لسه في ريعان الشباب حلوه مريوده وآسره
فلته من عالمنا الضنين مستحيل تاني يكرره
قررَّت تتحزم تقيف جنب وليدا تكون لو الضره
وتنسي إنو فقد أبوه وتبقي هى الراجل والمره
رغم جو الهم والنكد مهدتلو طريقو وقره
ورغم إنو زمانها غالي كان بتقعد لو مذاكره
كان بتحلم بي وليده يبقي كان كابتن طائره
والله يصبح باش مهندس والله يتخرج دكتره
الوليد أصبح كبير وفاته يادوب العاشره
والزمن غير كلو شي إلا والدتو ماغيره
زاده في نظر الكل سماح وفي عيون الناس كبَّره
وصارت إنموذج يُحتذي وللخلوق صبحت مفخره
مرة يوم الحلة جاطت وقالوا إنو سعيد دايره
كان سعيد راجل مهذب وبرضو كان حالتو ميسره
وفي البلد معروف كان رجل يملك الجاه والسيطره
قام طلب إيد أم الوليد ونيتو صافية لبن طاهره
دار يكون لها راجب أمين ويبقي والد لي ميسره
حسَّت إنو أمامه إمتحان قاسي بين أتنين خيَّره
ختت الشافع أمامه ومغريات الكون بي ورا
بين وليده الفارق كبير وبين قروش وحُلى وأسوره
رفضت الفكره وبي أدب رسلتلو جواب معذره
ورَّتو إنها داب وليده وفي العرس ماها مفكره
يوم سعيد نادا الشويفع رغَّبُو وقال ليهو وأغرا
جيب لي قلب أمك ياولد ولينا طلباتك آمره
كان طلبت الشي المستحيل يبقي ممكن شان خاطره
كم فِرِح ميسره وإنبسط ولي ديارن فرحان جرا
فِتَحت أُمو أحضانه راجاها عشان تضمو يروق خاطره
وبين ضلوع أمو الحنينه غزَّ سكين لي آخره
وإنتزع قلب أمو عجلان من محل ريدتو موكَّره
وماتت الأم جنب وليده فوق دموم سالت طاهره
وشال قليب والدتو بين إيدى وزود السرعة وكتره
ومن كتر سرعتو قام وقع وما عرف حاجه ومادرا
غير سمع قلب أمو ينضم وفيهو كم أنات عاصره
بي كلام أشبه بي البكا من حلق ساداه عبره
ياوليدي نعل ما أنضرب من مصائب الدنيا تبراش
ياجناى أنشاء الله طيب بي وقعتك متأثره
كان كلام قلب أمو تيار في دواخل الوجدان سرا
رغم إنو يفيض محَّنه ضاق طعم كلماتو مُره
حسَّ إنو فعل جريمه مستحيل تلقي المغفره
سلَّ سكين دار ينتحر وفي وسط ضلعو يوكره
دار يموت كان يرضي الضمير أو يكون للزيو عِبره
إلا تاني قليبه نادا رجَّع السكين لي ورا
لا تكتل أمك مرتين يا وليدي كفايه مَره
الأربعاء سبتمبر 18, 2013 9:15 pm من طرف عمرو
» مساحة للتعارف
الأربعاء سبتمبر 18, 2013 8:41 pm من طرف عمرو
» سلسلةمذكراتى الخاصة (الم الحروف )!!
الأربعاء مارس 06, 2013 5:58 pm من طرف المسافر
» من القلب الى قلوبكم احبيتي
الأربعاء مارس 06, 2013 5:33 pm من طرف المسافر
» ايــــــــــــاك والدموع..
الخميس فبراير 02, 2012 2:11 pm من طرف ميمى النحلة
» ابتهـــــــــــــــاج !!
الأربعاء فبراير 01, 2012 5:14 pm من طرف ميمى النحلة
» ابدأ دخولك بالصلاة على النبى (ص)
السبت يناير 28, 2012 4:12 pm من طرف عمر مقاصراوى
» شوربة خضار بطريقة ميمى ..
الأربعاء يناير 18, 2012 2:26 am من طرف ود السيد
» شمار اليوم هههههه؟؟
الأربعاء يناير 18, 2012 2:02 am من طرف ميمى النحلة