من طرف البادئ اظلم
عبدالرحيم ارقى
لا بإيدك لا بإيدي دا الزمان الإختار كدي
نفترق و الفرقة حارة ونرضي بي حُكم الإراده
يوم فراقك طعنة كانت غايرة في اعماق فؤادي
شلَّت الأشواق وصابت حُبي ليكا و سامي ريدي
رغم إني بصوم عليهو وكان فطوري و ياهو زادي
كنت حافظة جميع عهودك وانت جُرت نقضت عهدي
أصلو قالوا البادي اظلم وانت جيت بي ظلمي بادي
شفت من بعدك مصائب كنت فوق نيرانه قاعدي
من أوارا فرش لحافي ومن لهيبه طبق وِسادي
والفرح نافر مجافي تملي شارد مني غادي
زي سراب أحلامنا ودع لا وقف لا دار يهدي
علي مصايبي تراني صابرة والبيصبرالله بَدي
الله بس ياهو البيعلم بي نزيف قلبي وسهادى
ياما ساهرت الليالي وبي نواحي نجومه شاهدي
ساوَّه من ذِكراك غُتايا وفوق لحاف أحزاني راقدي
يازماني كفايا أرحَم فيَّ شمَّتَ الأعادي
خلي ماضينا اليروح زي سحابة صيف يعدي
ماني دايره أعيش زماناً فيهو ما إنتم قصدي
ماني دايره أعيد زماناً ما عِرف قِيمة وجودي
ماني دايره أعيد زماناً سدَّ بيني وبينو وادي
وماني دايره أعيد زماناً ذكرا تاورا ومعاودي
ودايره انسي الذكرى ذاته رغم انها فيَّ خالده
إنضرب قلبي الحنين بي سهم ريداً مصدي
خل مرضَّ الموت يناوش في الفؤاد كتَّال ومُعدي
خلَّ في أعماقي ذكرى كلما أنهيها بادي
أمام عيوني بشوف تملي صورة من مأساتي هاديَّ
إعتزلت الريدة بعدك وفي الغرام حصلت حَدي
وفي هواك كفاي مآسي والعشق سكينو حادي
وإحتمالات عودتي ليك في العَقُل تب ماها واردي
والغرام حرمان عليَّ من زمان طاراهو عهدي
كيفن الدَّغ مرة تانيه وكان قبل دا أنا ضُقتَ واحدي
دابي من تعذيبك إرتح تاني كيف أرجعلو صَادِي
الكرامة وقيمي ترفض وكبريائي والمبادي
انسي زي مانسيتك اسع صرت انسان عادي عندي
وعاند الذكرى الأليمة تراني لي ذكراك معاندي
وكل ما تملك من مشاعر لي شريكة عمرك أدي
وأبقي عشرة علي شريكتك وأبدا ابقي معاها جادي
ومهما فات بي الزول خيالوالعَقُل ياهو البيهدي
والقليب كان راد وحب تاني ماظنيت يعادي
والحبيب كان حب صح صح للحبيب بالروح بيفدي
دي الحياة وسنته ياحبيب مَرة تاخد ومرة تدي
لا نعيم أفراحه دايم لا نواح أحزانا أبدي
لا الحناسة تجيب رضاها لا بتقلب أحكامه شِدِّي
يوم حناضل القوز طِعيمة ويوم مَذاق أيامه شهدي
ولينا شاهرة تملي سيفه وفينا حكم أقداره حَدَّي
والمصائب ديمه عامة والفرح تبشيرو فَردي
إبتسم وامسح دموعك والحزن ما أظِنو يَجدي
والفراق لسع مواصل لا أنتهي ولا بينا مَبدي
علاء ابوسير
ارقى
عبدالرحيم ارقى
لا بإيدك لا بإيدي دا الزمان الإختار كدي
نفترق و الفرقة حارة ونرضي بي حُكم الإراده
يوم فراقك طعنة كانت غايرة في اعماق فؤادي
شلَّت الأشواق وصابت حُبي ليكا و سامي ريدي
رغم إني بصوم عليهو وكان فطوري و ياهو زادي
كنت حافظة جميع عهودك وانت جُرت نقضت عهدي
أصلو قالوا البادي اظلم وانت جيت بي ظلمي بادي
شفت من بعدك مصائب كنت فوق نيرانه قاعدي
من أوارا فرش لحافي ومن لهيبه طبق وِسادي
والفرح نافر مجافي تملي شارد مني غادي
زي سراب أحلامنا ودع لا وقف لا دار يهدي
علي مصايبي تراني صابرة والبيصبرالله بَدي
الله بس ياهو البيعلم بي نزيف قلبي وسهادى
ياما ساهرت الليالي وبي نواحي نجومه شاهدي
ساوَّه من ذِكراك غُتايا وفوق لحاف أحزاني راقدي
يازماني كفايا أرحَم فيَّ شمَّتَ الأعادي
خلي ماضينا اليروح زي سحابة صيف يعدي
ماني دايره أعيش زماناً فيهو ما إنتم قصدي
ماني دايره أعيد زماناً ما عِرف قِيمة وجودي
ماني دايره أعيد زماناً سدَّ بيني وبينو وادي
وماني دايره أعيد زماناً ذكرا تاورا ومعاودي
ودايره انسي الذكرى ذاته رغم انها فيَّ خالده
إنضرب قلبي الحنين بي سهم ريداً مصدي
خل مرضَّ الموت يناوش في الفؤاد كتَّال ومُعدي
خلَّ في أعماقي ذكرى كلما أنهيها بادي
أمام عيوني بشوف تملي صورة من مأساتي هاديَّ
إعتزلت الريدة بعدك وفي الغرام حصلت حَدي
وفي هواك كفاي مآسي والعشق سكينو حادي
وإحتمالات عودتي ليك في العَقُل تب ماها واردي
والغرام حرمان عليَّ من زمان طاراهو عهدي
كيفن الدَّغ مرة تانيه وكان قبل دا أنا ضُقتَ واحدي
دابي من تعذيبك إرتح تاني كيف أرجعلو صَادِي
الكرامة وقيمي ترفض وكبريائي والمبادي
انسي زي مانسيتك اسع صرت انسان عادي عندي
وعاند الذكرى الأليمة تراني لي ذكراك معاندي
وكل ما تملك من مشاعر لي شريكة عمرك أدي
وأبقي عشرة علي شريكتك وأبدا ابقي معاها جادي
ومهما فات بي الزول خيالوالعَقُل ياهو البيهدي
والقليب كان راد وحب تاني ماظنيت يعادي
والحبيب كان حب صح صح للحبيب بالروح بيفدي
دي الحياة وسنته ياحبيب مَرة تاخد ومرة تدي
لا نعيم أفراحه دايم لا نواح أحزانا أبدي
لا الحناسة تجيب رضاها لا بتقلب أحكامه شِدِّي
يوم حناضل القوز طِعيمة ويوم مَذاق أيامه شهدي
ولينا شاهرة تملي سيفه وفينا حكم أقداره حَدَّي
والمصائب ديمه عامة والفرح تبشيرو فَردي
إبتسم وامسح دموعك والحزن ما أظِنو يَجدي
والفراق لسع مواصل لا أنتهي ولا بينا مَبدي
علاء ابوسير
ارقى
» مساحة للتعارف
» سلسلةمذكراتى الخاصة (الم الحروف )!!
» من القلب الى قلوبكم احبيتي
» ايــــــــــــاك والدموع..
» ابتهـــــــــــــــاج !!
» ابدأ دخولك بالصلاة على النبى (ص)
» شوربة خضار بطريقة ميمى ..
» شمار اليوم هههههه؟؟