أوجـــــــــــــــــاع الغـــــــــــربة

مافي أنسان يحكي ليكم
عن دموع الناس
وحبات العرق.....
يروي غربة زول موالف
عمرو لا راح لا مرق...
أصبح الشوق في حروفه
نار علي صفحة الورق....

مافي يا ناس قلب يسأل
عن غريق شبعان غرق....

شفتو: لماالليل يروح
والفجر يفرد جناحه
والعيون الساهره تغمد
والقلب تهدأ جراحه
نحن يا دوب يومنا يبدأ...
ما ضروري يطل صباحه
أتحرمنا من الحبايب
وعشنا في الغربة البعيدة....
كل موجة حزن تمضي
بكره موجه تهل جديدة
لاخطاب يحمل محبة
ولاوصية بت نريدها
لاأمل ينعش قلوبنا
ولاخيالتنا السعيدة.....