أشتقــــــــــــت لــــــــــــيك

اشتقت ليك ساعة المساء فرد الجناح
لملم مصابيح النهار
والكون شرب لون الجراح
والعتمة نامت في الدروب
والليل لبس أجمل وشاح
في اللحظة ديك.....
اشتقت ليك واحتجت ليك
في الحظة ديك ...
والناس بتسئل عن بلاد
اصلو ما معروفه وين
يا قلبي لي زول بئن
حاضن الاسىء
عبر السنين.
في اللحظة ديك
أشتقت ليك.....
اشتقت ليك شوق السحابة الراحلة
في جوف الشتاء عطشانه
تحلم بالخريف
بقيت ضعيف
في اللحظة ديك.....
مديت معابر شوقي ليك
وحنين حنيني الطاغي ليك
كايس مجيك
وداير يجيك
في اللحظة ديك.....
اشتقت ليك وأحتجت ليك